التنظيم المصري

بسم الله الرحمن الرحيم

لم اكن ارغب فى الكتابة عن اى موضوع له علاقة بالسياسة لعدم اقتناعى بالعديد من مواضيعها

ولكن ما حدث هذه المرة اثار حفيظتى وشدد على انفاسي وارغمنى على الكتابة

ليس الموضوع يا سادة عن اخطاء الحكومة كما تعودنا

ولكن هذة المرة عن خطا بسيط من اخطاء الشعب اللذيذ المسمي بالشعب المصري

دخلت مترو الانفاق وفوجئت بوجود علامات ارشادية للصعود والنزول

ناهيك عن التسجيل الصوتى الذي يذاع كل دقيقتين عن هذه العلامات

وتسهيل الانتقال بين المستخدمين لهذا الصرح العملاق المسمى مترو الانفاق

وتخصيص الباب الاول والرابع للنزول والثانى والثالث للصعود فرفعت يدي الى السماء قائلا

الحمد لله مصر ابتدت تطور

ما ان دخلت المترو حتى توجهت الى اقرب باب عليه علامة ارشادية للنزول

منتظرا ان يتم الالتزام بهذا وعلى امل ان يكون هذا الباب خفيف ومش زحمة يعنى

ولكنى فوجئت ان احنا بندن فى مالطة لامؤاخذة

ولا كأن فى علامات للصعود والنزول وكبر دماغك يا عم الحاج الحق نفسك وانزل بسرعة

ايه يا جدعان حتى لو الدولة بتفكر تصلح احوالنا احنا اساسا معندناش استعداد

انا مش مستخدم دائم للمترو لكن الفكرة عجبتنى والتنظيم حلو وكل سنة وانتم طيبين

فى حسنات الحكومة بدات تعملها علشان الانتخابات وكلها دعاية يا عم الحاج بس مش مهم

المهم ان فى تطوير

بس احنا للاسف ينطبق علينا قول الله تعالى

ان الله لا يغير ما بقوم حتى يغيرو ما بأنفسهم

صدق الله العظيم

وعلشان كدة حتى لو احنا بننشد التغيير لازم احنا نفسنا نتغير

وطول ما احنا مش عاوزين نتغير يبقى ربنا هيسلط علينا اكتر من اللى احنا فيه

يارب حد يفهم ويارب حد يتمسك بالنظام والانتظام لانه فى كل حاجة

سبيل التقدم

نتمنى لمصر التقدم فى كل المجالات باذن الله